როგორც უკვე შენიშნავდით, ზოგიერთი კრიპტოვალუტის დეპოზიტისა და განაღდების ფანჯარაში არის დამატებითი ველი სახელწოდებით „Memo“. ამ სტატიაში შევეცდებით გავარკვიოთ, რა არის memo და როგორ მუშაობს ის კრიპტოვალუტის ტრანზაქციის განხორციელებისას.

რა არის memo/დანიშნულების ნიშანი?

Memo/დანიშნულების ნიშანი არის სპეციალური იდენტიფიკატორი, რომელიც გამოიყენება ტრანზაქციების შესრულებისას. ის საჭიროა ზოგიერთი კრიპტოვალუტის დეპოზიტირებისას და ასევე გატანისთვის. memo-ს ყველაზე გავრცელებული ტიპია რიცხვების წყობა და, უფრო იშვიათი კი რიცხვებისა და ასოების კომბინაცია.

ამჟამად, memo ჩვენს ბირჟაზე შემდეგი კრიპტოვალუტების დეპოზიტირებისას და გატანისთვის არის საჭიროა: XRP, XLM.

ერთ-ერთი ზემოაღნიშნული მონეტის დეპოზიტირებისას თქვენ უნდა მიუთითოთ არა მხოლოდ მისამართი (ჩვენი პლატფორმის), არამედ თქვენი დანიშნულების ნიშანი WhiteBIT Georgia-ს ბირჟაზე. წინააღმდეგ შემთხვევაში, თანხა არ ჩაირიცხება თქვენს ბალანსზე.

თუ თქვენს ანგარიშზე თანხის ჩარიცხვისას დაგავიწყდათ memo-ს მითითება, თანხა დაირიცხება WhiteBIT Georgia-ს ცხელი საფულის მისამართზე. თუმცა, ამ შემთხვევაში, ჩვენ ვერ შევძლებთ ტრანზაქციის საბოლოო მიმღების დადგენას და თანხის ჩარიცხვას თქვენს ბალანსზე.

ამ შემთხვევაში, თქვენ უნდა დაუკავშირდეთ ჩვენს მხარდაჭერის ჯგუფს (იხილეთ "მხარდაჭერის" განყოფილება სტატიის ბოლოს) და მიუთითებთ ტრანზაქციის ყველა დეტალს (ჰეში, თანხის რაოდენობა, ტიკერი, ტრანზაქციის ბმული Explorer-ში).

დეპოზიტის ფორმა memo-ს გამოყენებით გამოიყურება შემდეგნაირად:

გთხოვთ გაითვალისწინოთ: შეგიძლიათ მარტივად დააკოპიროთ მისამართი და memo გამგზავნის პლატფორმის შესაბამის ველებში. გარდა ამისა, შეგიძლიათ დააჭიროთ ყვითელ ღილაკს „გააზიარეთ მისამართი და MEMO“ და გაუგზავნოთ თქვენი დეტალები თანხის გამომგზავნს თქვენთვის სასურველი სოციალური ქსელის საშუალებით.

ზოგიერთი კრიპტოვალუტის გატანისას, თქვენ ასევე უნდა მიუთითოთ დანიშნულების ნიშანი, რომელიც შეგიძლიათ გაიგოთ მიმღებ პლატფორმაზე. თუმცა, თუ დანიშნულების ნიშანი არ არის საჭირო მიმღებ პლატფორმაზე, უბრალოდ გატანის დროს შესაბამის ველში ჩაწერეთ „12345“.

იმ შემთხვევაში, თუ დაგავიწყდათ memo-ს მითითება WhiteBIT Georgia-დან სხვა პლატფორმაზე თანხის გატანისას, დამატებითი ინფორმაციის გასარკვევად უნდა დაუკავშირდეთ მიმღების პლატფორმის მხარდაჭერის სამსახურს.

მხარდაჭერა

ჩვენს ბირჟასთან დაკავშირებული ნებისმიერი კითხვის შემთხვევაში, შეგიძლიათ:

• დატოვოთ მოთხოვნა ჩვენს ვებგვერდზე;
• მოგვწეროთ მხარდაჭერის ელ-ფოსტაზე: support@whitebit.ge;
• ან ჩატში ეკრანის ქვედა მარჯვენა კუთხეში მდებარე ღილაკზე დაწკაპუნებით.